kutubhona

бўлганлари учун ростгўй ва ҳалол Муҳаммад с.а.в. айтаётган гаплар Аллоҳнинг каломи эканини англардилар. Иккинчи томондан эса буни очиқ тан ололмасдилар. Негаки, бундай қилсалар, орзу-умидлари, бузуқ йўллар билан оладиган манфаатлари барбод бўларди. Шу билан улар икки ўт орасида типирчилаб қолишди ва дарҳол жангдаги мағлубиятни бир неча кунга бўлса ҳам кечиктириш чораларини қидира бошлашди. Ранг кўр, ҳол сўр, дегандек чора ҳам шу ҳолатларининг ўзидан топила қолди. Бутун Қуръонга ўхшаш гапни айтиш оғир бироз енгиллат, дейишди. Шунда уларга, ундай бўлса, шунга ўхшаш ўнтагина «тўқилган» сура келтирингиз!10 дейилди.

Бунинг ҳам уддасидан чиқиша олмасдан яна олдинги гапларини такрорладилар. Ана шунда етук ҳужжат уларни ер билан яксон қилди. Шу (Қуръон)га ўхшаш биргина сура келтирингизлар!11

Истаган жойинглардан, истаганингларча ёрдамчиларингни чақираверинглар.
Лекин улар бунинг ҳам уддасидан чиқа олмадилар. Шу билан уларнинг мағлубияти тўла ўз исботини топди.

Сизлар бу ишни фақат ҳозиргина эмас, умуман ҳеч қачон қила олмайсизлар.12
Қуръон Аллоҳнинг ҳақиқий каломидир.
Инсон каломи унинг қўрғонига яқин кела олмайди.
Одам боласининг гапи унинг яқинига ҳам боролмайди.
У шундай ҳақиқатки, олдидан ҳам, ортидан ҳам унга ботил аралашмаган. У Ҳаким ва Ҳамид Зот томонидан нозил қилингандир.
Уларнинг имон келтиришларига мана шунинг ўзи кифоя эди.
Лекин уларга ҳавойи нафс ҳужум қилди, шайтон уларни босиб олди.

(10) (أَمْ يَقُولُونَ افْتَرَاهُ قُلْ فَأْتُواْ بِعَشْرِ سُوَرٍ مِّثْلِهِ مُفْتَرَيَاتٍ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ Ёки: «Уни (яъни, Қуръонни Муҳаммад) тўқиб чиқарган», дейдиларми? Айтинг: «У ҳолда, агар ростгўй бўлсангизлар, Аллоҳдан ўзга кучингиз етган барча бутларни (ёрдамга) чорлаб шунга ўхшаш ўнтагина «тўқилган» сура келтирингиз!»). [11:13]

(11) (أَمْ يَقُولُونَ افْتَرَاهُ قُلْ فَأْتُواْ بِسُورَةٍ مِّثْلِهِ وَادْعُواْ مَنِ اسْتَطَعْتُم مِّن دُونِ اللّهِ إِن كُنتُمْ صَادِقِينَ Ёки: «Уни (Муҳаммад) тўқиб чиқарган», дейдиларми?! Айтинг (Эй Муҳаммад): «У ҳолда агар ростгўй бўлсангизлар, Аллоҳдан ўзга кучингиз етган барча бутларни (ёрдамга) чорлаб шу (Қуръон)га ўхшаш биргина сура келтирингизлар!»). [10:38]

(12)

وَإِن كُنتُمْ فِي رَيْبٍ مِّمَّا نَزَّلْنَا عَلَى عَبْدِنَا فَأْتُواْ بِسُورَةٍ مِّن مِّثْلِهِ وَادْعُواْ شُهَدَاءكُم مِّن دُونِ اللّهِ إِنْ كُنْتُمْ صَادِقِينَ * فَإِن لَّمْ تَفْعَلُواْ وَلَن تَفْعَلُواْ فَاتَّقُواْ النَّارَ الَّتِي وَقُودُهَا النَّاسُ وَالْحِجَارَةُ أُعِدَّتْ لِلْكَافِرِينَ
Агар биз бандамизга туширган нарсадан (Қуръондан) шак-шубҳада бўлсангиз, у ҳолда шунга ўхшаган биргина сура келтиринг ва Аллоҳдан ўзга гувоҳларингизни чақиринг – агар ростгўй бўлсангиз. Энди агар бундай қилолмасангиз — ҳаргиз қилолмайсиз ҳам — у ҳолда одамлар ва тошлар ўтин бўладиган, кофирлар учун тайёрлаб қўйилган дўзахдан қўрқинг. [2:23-24]